Ad copy

Medinsider ინოვაციური პლატფორმაა, რომელიც MLP Care-ის საერთაშორისო ურთიერთობებისა და ბიზნესის განვითარების დირექტორმა დალი ნესუაშვილმა დააფუძნა. პლატფორმა სამედიცინო მენეჯმენტისა და მართვის თანამედროვე პრაქტიკის შიდა პროცესებს, მის გამოწვევებსა და პოტენციალს აუდიტორიას მარტივად, გასაგებ ენაზე უზიარებს. პლატფორმა აერთიანებს ექიმებს, რეზიდენტებს, სამედიცინო მენეჯერებსა და პაციენტებს. 7 ივნისს Medinsider, ჟურნალ OK!-თან პარტნიორობით, მასშტაბური პროფესიული საუბრების სერიას ხსნის. პირველი ღონისძიების მთავარი თემაა უშვილობის მკურნალობის თანამედროვე მეთოდები და ხელოვნური ინტელექტის (AI) როლი რეპროდუქციულ მედიცინაში. დარგის წამყვანი სპეციალისტები აუდიტორიას საერთაშორისო პრაქტიკასა და უახლეს სამედიცინო ტექნოლოგიებს გაუზიარებენ. ღონისძიების ფარგლებში გათვალისწინებულია სოციალური კომპონენტიც – ერთ-ერთ წყვილს ინ ვიტრო (In Vitro) პროცედურა სრულად დაუფინანსდება.