Ad copy

Ito ay matapos magsumite ang House prosecution panel ng kanilang manifestation bilang tugon sa sagot ng kampo ni Duterte, na umano’y humihiling na maibasura ang kaso bago pa man ang paglilitis. Ayon kay Chua, kinukuwestiyon din ng defense panel ni VP Sara ang hurisdiksyon ng House Committee on Justice sa impeachment proceedings sa kabila ng probisyon sa Konstitusyon na nagbibigay rito ng “exclusive powers” na magsagawa ng impeachment proceedings. Giit pa niya, tila nakatuon ang depensa sa mga procedural objections na maaari nilang ihain sa paglilitis sa halip na direktang sagutin ang mga paratang laban sa bise presidente. “Kaya mahalaga po kung sino ang uupo bilang presiding officer dahil yun po ang pupukpok ng gavel at magru-rule sa mga objections ng both camps,” ani Chua. “Kami hindi naman po namin hinihingi na kampihan kami. Ang gusto lamang po namin ay ang hukom na walang pinapanigan, bagkus ang taumbayan,” dagdag pa nito. #PilipinasToday #JoelChua #HouseProsecutors #HouseOfRepresentatives #SaraDuterte #Impeachment