Ad copy

Nakasaad sa report ng Bilyonaryo News Channel na base sa kanilang dokumentong nakalap, si Edna Marcoleta ay isa sa mga director ng Stronghold Insurance kung saan ang ginang ang chairman ng audit committee. Bukod dito, nakalista rin ang pangalan ni Ginang Edna sa Milestone Guaranty and Assurance Corporation bilang non-executive director matapos siyang mahalal sa puwesto noong 2016. Ayon sa report, nag-isyu ang Milestone ng P19.29 milyon bilang retention money bond sa Elite General Contractor noong 2024, na pag-aari diumano ng mag-asawang Curlee at Sarah Discaya. Ang bond ay para sa P192.9 milyong halaga ng flood mitigation at road dike project sa gilid ng Mag-asawang Tubig River sa Naujan, Oriental Mindoro. “The project, marked as “completed” on the Department of Public Works and Highways (DPWH) website, could not be found on the ground when Senate President Pro Tempore Panfilo Lacson visited the site,” ayon sa ulat. At base sa nakalap na notarized document na naungkat ng Bilyonaryo News Channel, personal na nakipagpulong si Sarah Discaya sa regional manager ng Stronghold Insurance sa pagitan ng 2020 hanggang 2022 para sa insurance bond ng kanyang kumpanya at makorner ang mga flood control projects. (SOURCE: https://www.youtube.com/watch?v=feUXyozkTyw) #PilipinasToday #RodanteMarcoleta #EdnaMarcoleta #Discaya #CurleeDiscaya #SarahDiscaya #EliteGeneralContractor #MilestoneGuarantyAndAssuranceCorporation #DPWH #GhostProjects #FloodControlProjects #FloodControlProjectScam