Ad copy

Kinuwestiyon ni Philippine Coast Guard (PCG) spokesperson for the West Philippine Sea (WPS) Commodore Jay Tarriela ang pahayag ni Sen. Alan Peter Cayetano tungkol sa kanya sa ginanap na interpellation sa Senate session nitong Lunes, Pebrero 9, hinggil sa Senate Resolution No. 256. Ayon kay Tarriela, sa tingin niya ay wala siyang ginawang masama para sa interes ng mga Pilipino para “babuyin ni Sen. Cayetano ang pagkatao ko.” “Sabi niya kasi doon sa plenary debate, hubarin ko daw uniporme ko… pwede rin naman… mag-debate kayo, mag-usap kami ng mga bagay pero dapat no holds barred,” saad ni Tarriela sa isang panayam sa programang ‘Unang Balita’ ngayong Martes, Pebrero 10. Samantala, sa debate ni Cayetano at Sen. Francis “Kiko” Pangilinan hinggil sa panukalang resolusyon kahapon ay iginiit ni Cayetano na hindi dapat ipasa ang resolusyon na sinasabing tama umano si Tarriela sa kanyang ginawa. “If he simply stated, ‘I love the Philippines, I will fight for our territory, I’ll fight for our sovereign rights, I will do my duty, but sorry dahil uminit ang ulo ko, nilabas ko ‘to, pero hindi official ‘yan’ – tapos tayo,” giit ni Cayetano. (via Jilliane Libunao) #PilipinasToday #CommodoreJayTarriela #AlanPeterCayetano #WestPhilippineSea #WPS